ຂະແໜງບໍລິການຮ້ານຄ້າຈຳໜ່າຍເຫຼົ້າ ແລະ ວາຍ ບີເອວວີໄດ້ສ້າງຕັ້ງຂຶ້ນໃນປີ 2010 ລົງທຶນ 100% ຂອງ ກຸ່ມບໍລິສັດ BCIເຊິ່ງໄດ້ນຳເຂົ້າສິນຄ້າປະເພດເຄື່ອງດື່ມຫລາກຫລາຍປະເພດທີ່ມີຄຸນນະພາບສູງຈາກຕ່າງປະເທດເປັນ ຕົ້ນແມ່ນ ປະເທດ ຝລັ່ງ ເຊັ່ນ: ວາຍ, ເຫລົ້າວິດສກີ້ ແລະ ເບຍ ໂດຍການຈຳຫນ່າຍມີທັງຮູບແບບສົ່ງ ແລະ ຍ່ອຍ. ໃນໄລຍະຜ່ານມາໃນການດຳເນີນທຸລະກດິພວກເຮົາແມ່ນສ້າງຄວາມເຊື່ອຖືໃຫ້ຜູ້ບໍລິໂພກທີ່ມາຊົມໃຊ້ການບໍລິການ ແລະ ຖືໄດ້ວ່າເປັນຫນຶ່ງໃນຫລາຍຜູ້ສະຫນອງສິນຄ້າທີ່ດີທີ່ສຸດໃນ ສປປ ລາວ.

ຂະແໜງດ້ານກະສິກຳລ້ຽງສັດ ຊຶ່ງໃຊ້ວ່າຈະເລີນການກະເສດ  ແມ່ນຂະແໜງທີ່ໄດ້ສ້າງຕັ້ງຂຶ້ນໃນປີ 2019 ໂດຍດຳເນີນທຸລະກິດມີເປົ້າຫມາຍແມ່ນການສົ່ງເສີມການຜະລິດກະສິກຳພາຍໃນເພື່ອເປັນສິນຄ້າຈຳຫນ່າຍພາຍໃນ ແລະ ຕ່າງປະເທດ. ປະຈຸບັນພວກເຮົາແມ່ນໄດ້ສົ່ງເສີມການເກັບກ່ຽວຊາຂຽວພັນພື້ນເມືອງໃນບັນດາແຂວງທາງພາກເຫນືອ ແລະ ເປັນຕົວແທນຈຳຫນ່າຍເພື່ອສົ່ງອອກໄປປະເທດໃກ້ຄຽງ. ນອກນີ້ພວກເຮົາຍັງໄດ້ສົ່ງເສີມການລ້ຽງງົວພັນຊີ້ນ ໃນນະຄອນຫລວງວຽງຈັນ ເພື່ອເປັນສິນຄ້າຈຳຫນ່າຍພາຍໃນ ແລະ ຕ່າງປະເທດທີ່ມີຄວາມຕ້ອງການສູງໃນປະຈຸບັນ ແລະ ຍັງໄດ້ເປັນຕົວແທນຈຳຫນ່າຍສິນຄ້າກະສິກຳເຊັ່ນ: ປຸຍ ແລະ ອຸປະກອນເຄື່ອງມືກະສິກຳຂະຫນາດນ້ອຍ.

ຂະແໜງດ້ານການສຶກສາ ໂຮງຮຽນ ປະຖົມ – ມັດທະຍົມສົມບູນ ເມທານີ ໄດ້ສ້າງຕັ້ງຂຶ້ນໃນປີ 2015 ໂດຍການລົງທຶນ 100% ຂອງ ກຸ່ມບໍລິສັດ BCI ໃນເນື້ອທີ່ຫນຶ່ງເຮັກຕ້າ. ໃນເບື້ອງຕົ້ນພວກເຮົາແມ່ນເນັ້ນໃສ່ນັກຮຽນອະນຸບານແຕ່ 1 ຫາ 6 ປີ ໂດຍນຳໃຊ້ຫລັກສູດ ການສອນຈາກປະເທດຍີ່ປຸ່ນ ແລະ ບຸກຄະລາກອນ ທີ່ໄດ້ຮັບການຝຶກອົບຮົມເປັນຢ່າງດີຈາກປະເທດ ຍີ່ປຸ່ນ ເພື່ອຮັບປະກັນດ້ານຄຸນນະພາບການສຶກສາ ແລະ ສຸຂະອານາໄມ. ໃນປະຈຸບັນພວກເຮົາ ໄດ້ເພີ່ມຫລັກສູດການຮຽນຂັ້ນປະຖົມ, ມັດທະຍົມຕອນຕົ້ນ ແລະ ຕອນປາຍ ໂດຍການປະສົມປະສານຂອງຫລັກສູດຍີ່ປຸ່ນ ແລະ ຂອງກະຊວງສຶກສາທີ່ໄດ້ວາງອອກຢ່າງເຂັ້ມງວດ.

ຂະແໜງດ້ານກາຄ້າ ເອັດທີຈີ ເທດດິງ ໄດ້ສ້າງຕັ້ງຂຶ້ນໃນປີ 2018 ໂດຍໄດ້ນຳເຂົ້າແລະຈັດຈຳໜ່າຍ ສິນຄ້າອຸປະກອນກໍ່ສ້າງຈາກຕ່າງປະເທດ ເຊິ່ງ.ພວກເຮົາມີທີມງານດ້ານກໍ່ສ້າງສະເພາະເພື່ອໃຫ້ຄຳປຶກສາແກ່ລູກຄ້າບໍ່ວ່າຈະເປັນໂຮງງານອຸດສາຫະກຳ ຫລື ອາຄານທີ່ຢູ່ອາໃສຕ່າງໆ. ປະຈຸບັນພວກເຮົາໄດ້ສະຫນອງອຸປະກອນກໍ່ສ້າງຫລາຍປະເພດເຊັ່ນ: ອຸປະກອນຫລັງຄາ, ຊີມັງ ແລະ ອື່ນໆ. ຄູ່ຄ້າທີ່ພວກເຮົາສະຫນອງສິນຄ້າໃຫ້ມີທັງຮ້ານຄ້າສະຫນອງອຸປະກອນກໍ່ສ້າງໃນນະຄອນຫລວງທີ່ມີຫລາຍກວ່າ 200 ຮ້ານຄ້າ.

ຂະແໜງດ້ານການເງິນ ສະຖາບັນການເງິນ ບີຊີໄອ ເອັມເອັບຟ (ທີ່ບໍ່ຮັບເງິນຝາກ) ໄດ້ສ້າງຕັ້ງຂຶ້ນໃນປີ 2015 ໂດຍກຸ່ມບໍລິສັດ BCI ໄດ້ຖືຮຸ້ນ 50% ຮ່ວມກັບ ບໍລິສັດ ທິບພະຈັນ. ສະຖາບັນການເງິນ ບີຊີໄອ ເອັມເອັບຟ ແມ່ນການບໍລິການ ທາງດ້ານການເງິນໃຫ້ແກ່ລູກຄ້າຂະຫນາດນ້ອຍທີ່ຕ້ອງການເງິນທຶນທີ່ຈະຂະຫຍາຍທຸລະກິດ. ພວກເຮົາມີຄວາມຊຳນານດ້ານການວິເຄາະທັງສິນ ເຊື່ອສະເພາະ ເພື່ອໃຫ້ແທດເຫມາະກັບຄວາມຕ້ອງ ການຂອງລູກຄ້າ ແລະ ແທດເຫມາະກັບ ທຸລະກິດແຕ່ລະປະເພດເຊິ່ງປະເພດຂອງສິນເຊື່ອມີທັງໄລຍະສັ້ນ, ກາງ ແລະ ຍາວ.

ຂະແໜງດ້ານໄຟຟ້າ ບໍລິສັດ BCI ໄດ້ເຂົ້າໄປຮ່ວມກັບຖືຮຸ້ນ ຢູ່ 20% ຂອງຮຸ້ນທັງໝົດຂອງບໍລິສັດ ທິບພະຈັນ ກໍ່ສ້າງ ແລະ ຕິດຕັ້ງໄຟຟ້າ ໃນປີ 2013. ເຊິ່ງບໍລິສັດ ທິບພະຈັນ ແມ່ນບໍລິສັດໃຫ້ບໍລິການ ຕິດຕັ້ງລະບົບໄຟຟ້າທີ່ມີທັງແຮງຕໍ່າ, ແຮງກາງ ແລະ ແຮງສູງ, ຢູ່ໃນຫລາຍຂົງເຂດພື້ນທີ່ ພາຍໃນປະເທດລາວໂດຍສະເພາະແມ່ນບັນດາໂຄງການພັດທະນາພື້ນຖານໂຄງລ່າງຂອງລັດຖະບານ.